काठमाडौँ । उदयपुरको कटारी नगरपालिका–६ स्थित भुसुने जंगलबाट प्रहरीले १८२ किलो गाँजा बरामद गरेको छ।
शिखर सामुदायिक वन र गडमे खोलाबीचको ऐलानी जग्गामा रहेको झाडीमा गाँजा लुकाएर राखिएको सूचनाका आधारमा प्रहरीले खोजी गरेको थियो। सो क्रममा नौ बोरामा राखिएको गाँजा फेला परेको प्रहरीले जनाएको छ।
बरामद गाँजा कसले र कुन उद्देश्यले त्यहाँ राखेको भन्नेबारे प्रहरीले थप अनुसन्धान गरिरहेको छ।
