काठमाडौं । सरकारले सङ्घीय संसद्को चालु अधिवेशन असोज १६ गतेदेखि अन्त्य गर्न राष्ट्रपतिसमक्ष सिफारिस गरेको छ। मङ्गलबार बसेको मन्त्रिपरिषद् बैठकले अधिवेशन अन्त्य गर्ने निर्णय गर्दै राष्ट्रपतिसमक्ष सिफारिस पठाएको हो।
संवैधानिक व्यवस्थाअनुसार मन्त्रिपरिषद्को सिफारिसमा राष्ट्रपतिले सङ्घीय संसद्को अधिवेशन बोलाउने तथा अन्त्य गर्ने व्यवस्था छ।
गत वैशाख २८ गतेदेखि सुरु भएको चालु अधिवेशनमा प्रतिनिधिसभाका विभिन्न समितिमा १० भन्दा बढी विधेयक छलफल तथा विचाराधीन अवस्थामा रहेका छन्।
