काठमाडौं । च्याम्पियन बनेको भारतलाई साफ यू–१७ महिला च्याम्पियनसिपको अन्तिम खेलमा बंगलादेशले हराएको छ ।

आइतबार सम्पन्न खेलमा बंगलादेशले भारतलाई ४-३ गोल अन्तरले पराजित गरेको हो । ३-३ को बराबरी रहेको अवस्थामा इन्जुरी समयको अन्तिम मिनेटमा बंगालदेशले गोल गर्दै खेल जितेको हो । 

बंगलादेशको जितमा पुर्णिमा मार्मा, अल्पी अक्तर, सौरभी अकन्डा प्रिटी र मामोन चक्माले एक एक गोल गरेका थिए । त्यसैगरी भारतका लागि अनुष्का कुमारी, प्रितिका बर्मन र जुलन नोंगमाथेमले एक एक गोल गरेका थिए । 

यस खेलको नतिजाले परिणाममा कुनै असर नगरेपनि बंगलादेशले भारतलाई अपराजित हुदै उपाधि जित्न भने रोकेको छ ।

यो खेलपछि बंगलादेशको ६ खेलमा १३ अंक भएको छ र दोस्रो स्थानमा रहेको छ । त्यस्तै भारतको भने ६ खेलमा १५ अंक रहेको थियो ।

प्रतियोगितामा आजै नेपालले आफ्नो अन्तिम खेलमा भुटानको सामना गर्दैछ ।

Read More

काठमाडौँ । एएफसी यू-२३ पुरुष फुटबल एशिया कप छनौट खेल्ने नेपाली टिम ताजिकिस्तान प्रस्थान गरेको छ । 

अखिल नेपाल फुटबल संघ (एन्फा) का अनुसार मुख्य प्रशिक्षक नविन न्यौपानेको नेतृत्वमा २३ सदस्यीय नेपाली टिम आइतबार त्यसतर्फ प्रस्थान गरेको हो । 

यू-२३ नेपाली टिममा गोलकिपरमा कृष्णा मोक्तान, अमित टमटा र  विशाल केसी रहेका छन् भने डिफेन्डरमा विवेक गुरुङ, विशाल नेपाली, लहान सुब्बा, निगम लामा, राम थापा, शंकर थारु र सेमन्त थापा रहेका छन् ।  त्यस्तै मिडफिल्डरमा अभिषेक सेङटाङ, आयुष घलान, आरोन थापा, निरज कार्की, दीपेश गुरुङ, कृतिश रत्न चुञ्जु, पुजन थापा, सञ्जीव लामा, सन्तोष खत्री, सुजन मगर र सुमित श्रेष्ठ रहेका छन् भने फरवार्डमा रोहन खड्गी र निरजन धामी रहेका छन् ।

एएफसी यू-२३ पुरुष फुटबल एशिया कपको छनौटमा नेपाल समुह के मा रहेको छ । नेपालसहित यस समुहमा ताजिकिस्तान, फिलिपिन्स र सिरिया रहेका छन् । नेपालले सेप्टेम्बर ३ मा ताजिकिस्तान, सेप्टेम्बर ६ मा सिरिया र सेप्टेम्बर ९ मा फिलिपिन्ससँग खेल्ने तालिका रहेको छ । 

समुह चरणका खेलपछि शिर्ष स्थानमा रहने देश यू-२३ एशिया कपमा छनौट हुने छ भने समुहमा दोस्रो स्थानमा रहने शिर्ष चार देशपनि एशिया कपमा छनौट हुने छन् ।

Read More

काठमाडौँ । पाकिस्तानले जारी त्रिकोणात्मक टी-२० सिरिजमा लगातार दोस्रो जित हासिल गरेको छ । गएराती सम्पन्न खेलमा पाकिस्तानले युएईलाई ३१ रनले पराजित गरेको हो ।

पाकिस्तानले दिएको २०८ रनको लक्ष्य पछाएको युएईले २० ओभरमा ८ विकेट गुमाएर १७६ रन बनाएको थियो । युएईका लागि आसिफ खानले ७७ रन बनाए भने कप्तान मुहमद वासीमले ३३ रन बनाएका थिए । त्यस्तै पाकिस्तानका बलर हसन अलीले ३ तथा मुहमद नवाजले २ विकेट लिएका थिए ।

यसअघि टस जितेर पहिला ब्याटिंग गरेको पाकिस्तानले २० ओभरमा अल आउट हुदै २०७ रन बनाएको थियो । पाकिस्तानका लागि सैम आयुबले सर्बाधिक ६९ रन बनाएका थिए भने हसन नवाजले ५६ र मोहमद नवाजले २५ रन बनाएका थिए ।

त्यस्तै युएईका बलर जुनैद सिद्धिकी र साघिर खानले ३-३ विकेट लिएका थिए भने हैदर अलीले २ विकेट लिएका थिए ।

यो त्रिकोणात्मक सिरिजमा पाकिस्तानको लगातार दोस्रो जित हो । अब सिरिजको तेस्रो खेल सोमबार अफगानिस्तान र युएईबीच हुदैछ ।

Read More

काठमाडौँ । स्पेनिस ला लिगा अन्तर्गत रियल म्याड्रिडले लगातार तेस्रो जित हासिल गरेको छ । गएराती सम्पन्न खेलमा रियल म्याड्रिडले मल्लोर्कालाई २-१ गोल अन्तरले पराजित गरेको हो ।

१-० गोलले पछि परेको रियल म्याड्रिडले खेलमा कमब्याक गर्दै जित हासिल गरेको थियो । रियल म्याड्रिडका लागि अर्दा गुलेर र भिनिसियस जुनियरले एक एक गोल गरेका थिए । यस अघि मल्लोर्काका लागि भेदात मुरिकीले एक गोल गरेका थिए ।

यो जितपछि रियल म्याड्रिडले स्पेनिस ला लिगामा लगातार तेस्रो जित हासिल गर्दै ९ अंक बनाएको छ र शिर्ष स्थानमा रहेको छ । त्यस्तै मल्लोर्काले भने ३ खेलमा एक बराबरी र २ हार बेहोरेको छ ।

Read More

काठमाडौं । साफ यू–१७ महिला च्याम्पियनसिप अन्तर्गत नेपालले आज भुटानसँग खेल्दैछ । थिम्पुस्थित चाङ्लिमिथाङ रंगशालामा हुने यो खेल नेपाली समय अनुसार दिउसो ५: ४५ बजेदेखि शुरु हुदैछ । आजै दिउसो २: ४५ मा भारत र बंगलादेश पनि खेल्दैछन् ।

साफ यू–१७ महिला च्याम्पियनसिपको उपाधि भारतले जितिसकेको छ । भारत ५ खेलमा अपराजित रहदै च्याम्पियन बनेको हो । 

नेपालले यसअघि खेलेको पहिलो खेलमा भारतसँग ७-० को हार बेहोरेको थियो भने दोस्रो खेलमा भुटानसँग २-१ को जित हासिल गरेको थियो । त्यस्तै तेस्रो खेलमा नेपाल बंगलादेशसँग ३-० गोलले हारेको थियो भने चौथो खेलमा बंगलादेशसँग ४-१ गोल अन्तरले हारेको थियो । त्यस्तै पाँचौं खेलमा भारतसँग ५-० ले हार बेहोरेको थियो ।

त्यस्तै भुटानले अहिलेसम्म खेलेका ५ खेलमा एक खेल बराबरी खेलेको छ भने ४ खेलमा हार बेहोरेको छ । भुटानले पछिल्लो खेलमा बंगलादेशलाई १-१ को बराबरीमा रोकेको थियो ।

नेपाली खेलाडी
गोलकिपर: झरना दुमराकोटी, लक्ष्मी ओली र गङ्गा गुरुङ ।
डिफेन्डर: दिक्षा रायमाझी, सम्झना चन्द, अलिजा कुमारी विक, ज्ञान्शु डोल्मा लो, पुर्णिमा ताडी, अनु माझी, मिन माया श्रेष्ठ र अंशु विक ।
मिडफिल्डर: डिकी स्यान्गो तामाङ, कृतिशा तामाङ, रबिना विक, सहारा विक, बबिता कार्की, भूमिका बुढाथोकी, आशिका कार्की र सिर्जना बडुवाल ।
फरवार्ड: अस्मिता मगर, यम कुमारी विक, अनिता राना मागर र दिक्षा रानपाल ।

Read More

काठमाडौँ । चेल्सीले इङलिश प्रिमियर लिग अन्तर्गत दोस्रो जित हासिल गरको छ ।

शनिबार राति सम्पन्न खेलमा चेल्सीले फुलह्यामलाई २-० गोल अन्तरले पराजित गरेको हो ।

चेल्सीको जितमा जोआओ पेड्रो र इन्जो फेर्नानडेजले एक एक गोल गरेका थिए ।

यो जितपछि चेल्सीको ३ खेलमा ७ अंक भएको छ । त्यस्तै फुलह्यामले भने यस सिजनमा अझै जित निकाल्न सकेको छैन । यस अघि दुई बराबरी खेलेको फुलह्यामले यस खेलमा हार बेहोरेको छ ।

Read More

काठमाडौँ । म्यानचेस्टर युनाइटेडले इङलिश प्रिमियर लिग अन्तर्गतको खेलमा बर्नलीमाथि संघर्षपूर्ण जित हासिल गरेको छ ।

गएराती सम्पन्न खेलमा म्यानचेस्टर युनाइटेडले बर्नलीलाई ३-२ गोल अन्तरले पराजित गरेको हो ।

म्यानचेस्टर युनाइटेडको जितमा ब्रयान एम्बेउमो र ब्रुनो फेर्नानडेजले एक एक गोल गरेका थिए भने एक गोल बोर्न माउथका जोस कुलेनले आत्मघाती गरेका थिए । त्यसैगरी बर्नलीका लागि लिले फोस्टर र जैडोन एन्थोनीले एक एक गोल गरेका थिए ।

यो यस सिजनमा म्यानचेस्टर युनाइटेडको तेस्रो खेलमा पहिलो जित हो । युनाइटेडले यस अघि एक खेल हार बेहोरेको थियो भने एक खेल बराबरी खेलेको थियो । त्यस्तै बर्नलीको यस सिजनमा तेस्रो खेलमा यो दोस्रो हार हो ।   

Read More

काठमाडौँ । प्रिमियर लिग अन्तर्गत टोटनह्याम बोर्नमाउथसँग स्तब्ध भएको छ ।

गएराति सम्पन्न खेलमा बोर्नमाउथले टोटनह्यामलाई १-० गोल अन्तरले पराजित गरेको हो । बोर्नमाउथका लागि खेलको पाँचौं मिनेटमा इभानिल्सनले गरेको गोल नै खेलको निर्णायक गोल बनेको थियो ।

यो यस सिजनको तेस्रो खेलमा बोर्नमाउथको दोस्रो जित हो । त्यस्तै यस अघि दुई खेल लगातार जितेको टोटनह्यामले आफ्नो यस सिजनको तेस्रो खेलमा हार बेहोरेको छ ।

Read More