काठमाडौं। बागमती प्रदेशका मुख्यमन्त्री इन्द्रबहादुर बानियाँमाथि गरिएको छापामारीप्रति नेपाली कांग्रेस मकवानपुरले गम्भीर आपत्ति जनाएको छ।
जिल्ला सभापति बुद्ध लामाले जारी गरेको विज्ञप्तिमा अनुसन्धानको नाममा राजनीतिक पूर्वाग्रह देखिएको आरोप लगाउँदै यस्तो कदम लोकतान्त्रिक मूल्य र विधिको शासनविपरीत भएको बताएका छन्।
कांग्रेस मकवानपुरले अनुसन्धान निष्पक्ष, पारदर्शी र कानुनी प्रक्रिया अनुरूप हुनुपर्ने माग गर्दै राज्यका निकायलाई सहयोग रहने तर अनुचित कार्य अस्वीकार्य हुने स्पष्ट पारेको छ।
यसअघि सम्पत्ति शुद्धीकरण अनुसन्धान विभागले मुख्यमन्त्री बानियाँको निवास र कार्यालयहरूमा छापामारी गरेको थियो।
