काठमाडौँ । नेपाली कांग्रेसले संविधान संशोधनको बहसलाई नयाँ पुस्तासँग जोड्ने प्रयास थालेको छ । यसअन्तर्गत कांग्रेसले जेनजी (Gen Z) अगुवाहरूसँग छलफल गर्दै रायसुझाव संकलन गर्ने भएको छ ।
कांग्रेसको संविधान संशोधन अध्ययन तथा सुझाव समिति ले आइतबार दिउँसो २ बजे पार्टी केन्द्रीय कार्यालय सानेपामा छलफल आयोजना गरेको हो । कार्यक्रममा विभिन्न क्षेत्रका १८ जना जेनजी अगुवालाई आमन्त्रण गरिएको कांग्रेसले जनाएको छ ।
छलफलमा कांग्रेस महामन्त्री गगन थापा, संविधानविद् तेजमान श्रेष्ठ, प्राडा. कृष्ण खनाललगायत सहभागी हुनेछन् ।
नयाँ पुस्ताको सोच, अपेक्षा र संविधानप्रतिको धारणा बुझेर संशोधन बहसलाई थप प्रभावकारी बनाउने उद्देश्य कांग्रेसको रहेको बताइएको छ ।
