काठमाडौँ । आइसीसी महिला टी- २० विश्वकप २०२६ मा आयोजक इङल्याण्डले विजयी शुरुवात गरेको छ । गएराती बर्मिङ्घममा सम्पन्न उद्घाटन खेलमा इङल्याण्डले श्रीलंकालाई ८७ रनले पराजित गर्दै प्रतियोगितामा विजयी शुरुवात गरेको हो ।
इङल्याण्डले दिएको २२० रनको लक्ष्य पछाएको श्रीलंकाले २० ओभरमा अलआउट हुदै १३२ रन मात्र बनाएको थियो ।
इङल्याण्डले टस हारेर पहिले ब्याटिङ गरेको यस खेलमा एमी जोन्स र ड्यानी व्याट–हजको शतकीय साझेदारीको मद्दतले २० ओभरमा १ विकेट गुमाएर २१९ रन बनाएको थियो । यो महिला ट-२० विश्वकप इतिहासमै कुनै पनि टोलीले बनाएको सबैभन्दा ठूलो स्कोर हो । यसअघि पनि इङ्ग्ल्यान्डले नै सन् २०२३ मा पाकिस्तानविरुद्ध २१३/५ रन बनाएको कीर्तिमान कायम गरेको थियो।
२२० रनको विशाल लक्ष्य पछ्याउन मैदान उत्रिएको श्रीलङ्का महिला टोली सुरुदेखि नै इङ्ग्लिस बलिङ आक्रमणको दबाबमा रहेको थियो ।
विश्वकप अन्तर्गत आज तीन खेल हुनेछन् । जस अनुसार आयरल्याण्ड र स्कटल्याण्ड, अस्ट्रेलिया र दक्षिण अफ्रिका तथा न्यूजील्याण्ड र वेस्ट इण्डिज खेल्दैछन् ।
