काठमाडौं । प्रधानमन्त्री बालेन्द्र शाह (बालेन) ले आफूले समर्थन गर्ने देश विश्वकपमा सहभागी नै नभएको बताएका छन्।
शनिबार साँझ सामाजिक सञ्जाल फेसबुकमार्फत प्रतिक्रिया दिँदै प्रधानमन्त्री शाहले विश्वकपका क्रममा धेरै साथीभाइले आफ्नो मनपर्ने टोलीबारे जिज्ञासा राखेको उल्लेख गरेका छन्। विश्वकपको माहोल तातेका बेला समर्थकहरू आ–आफ्ना फेभरेट देशको पक्षमा खुलेर उत्रिरहेका छन्। यस्तै चर्चाबीच शाहले आफ्नो धारणा सार्वजनिक गरेका हुन्।
फेसबुक स्टाटसमार्फत उनले लेखेका छन्, “धेरैजना साथीभाइले सोध्नुभयो, तपाईंको फेभरेट देश कुन हो विश्वकपमा ? मेरो फेभरेट देशले खेलेकै छैन।”
शाहको यो अभिव्यक्तिलाई सामाजिक सञ्जालमा रोचक शैलीको प्रतिक्रियाका रूपमा हेरिएको छ। उनको उक्त स्टाटसपछि प्रयोगकर्ताहरूले विभिन्न टिप्पणी गर्दै उनले संकेत गरेको देशबारे अनुमानसमेत लगाइरहेका छन्।
