काठमाडौं । जिल्ला प्रशासन कार्यालय काठमाडौंले सरकारी भवन तथा सार्वजनिक निकायका संरचनाभित्र सञ्चालन भइरहेका गैरसरकारी संघ–संस्थाका कार्यालय हटाउन निर्देशन जारी गरेको छ।
प्रशासनले एक सूचना प्रकाशित गर्दै संस्था दर्ता ऐन, २०३४ अन्तर्गत दर्ता भएका प्राविधिक तथा पेशागत संघ–संस्थालाई सरकारी भवन खाली गर्न सात दिनको समयसीमा दिएको हो।
साथै, सरकारी कार्यालय तथा सार्वजनिक निकायलाई त्यस्ता संघ–संस्थाका बोर्ड तथा अन्य संरचना हटाई सम्बन्धित स्थान खाली गराउन पनि आग्रह गरिएको छ।
निर्देशनको पालना नगरे प्रचलित कानुनबमोजिम आवश्यक कारबाही गरिने जिल्ला प्रशासन कार्यालयले चेतावनी दिएको छ।
