काठमाडौँ । नेपाली औषधि उत्पादन कम्पनी एमडीएच फार्मास्युटिकल्स प्रालिले अन्तर्राष्ट्रिय स्तरको ‘क्वालिटी अचिभमेन्ट अवार्ड २०२६’ प्राप्त गरेको छ। कम्पनीले यो अवार्ड पहिलो पटक हासिल गरेको हो।
युरोपियन सोसाइटी फर क्वालिटी रिसर्चले बेल्जियमको ब्रसेल्समा हालै आयोजना गरेको कार्यक्रममा कम्पनीका प्रमुख कार्यकारी अधिकृत दीपक दाहाललाई उक्त सम्मान प्रदान गरिएको हो। दाहाल नेपाल औषधि उत्पादक संघका पूर्वअध्यक्ष पनि हुन्।
एमडीएच फार्मास्युटिकल्सले नेपालमै पहिलो पटक ‘ड्राइ पाउडर इनहेलर’ उत्पादन गर्दै आएको छ, जुन दम, निमोनिया तथा अन्य श्वासप्रश्वाससम्बन्धी रोगको उपचारमा प्रयोग हुन्छ।
अवार्ड प्राप्तपछि प्रतिक्रिया दिँदै सीईओ दाहालले नेपाली औषधि उद्योगले अन्तर्राष्ट्रिय मान्यता पाउनु गर्वको विषय भएको बताए।
कम्पनीले मानव तथा पशु स्वास्थ्यका लागि आवश्यक विभिन्न औषधि उत्पादन गर्दै आएको छ।
