काठमाडौँ । श्रम संस्कृति पार्टीका सांसदहरूले प्रतिनिधिसभा बैठकको बेल घेराउ गरेका छन् ।
विनियोजन विधेयक २०८३ अन्तर्गत विभिन्न मन्त्रालयका शीर्षकमा छलफल चलिरहँदा उद्योग, वाणिज्य तथा आपूर्ति मन्त्री गौरीकुमारीले उठाइएका प्रश्नको जवाफ नदिएको भन्दै उनीहरूले विरोध जनाउँदै बेल घेराउ गरेका हुन् ।
त्यसै क्रममा सभाको मर्यादा कायम नगरेको भन्दै सभामुख डीपी अर्यालले उक्त पार्टीका सांसदहरूलाई सचेत गराएका छन् ।
