काठमाडौं । राष्ट्रिय परीक्षा बोर्डले कक्षा १२ को ग्रेडवृद्धि (पूरक) परीक्षा आगामी साउन २ र ३ गते सञ्चालन गर्ने जनाएको छ।
बोर्डका अनुसार नियमित परीक्षामा सहभागी भई अधिकांश विषयमा ‘डी’ वा सोभन्दा माथिल्लो ग्रेड प्राप्त गरेका तर बढीमा दुई विषयमा नन-ग्रेडेड भएका वा दुई विषयसम्म अनुपस्थित रहेका विद्यार्थीहरू पूरक परीक्षामा सहभागी हुन सक्नेछन्।
परीक्षा दुवै दिन बिहान ११ बजेदेखि दिउँसो २ बजेसम्म सञ्चालन हुनेछ। बोर्डले सम्बन्धित विद्यार्थीहरूलाई समयमै आवश्यक तयारी गर्न आग्रह गरेको छ।
