काठमाडौँ । कैलालीको धनगढी उपमहानगरपालिकाले बढ्दो गर्मीका कारण विद्यालयहरू चार दिनका लागि बन्द गर्ने निर्णय गरेको छ।
उपमहानगरपालिकाका शिक्षा अधिकृत जयराज जैशीका अनुसार सोमबार सूचना जारी गर्दै अत्यधिक तापक्रमका कारण सामुदायिक तथा संस्थागत सबै विद्यालय असार ९ देखि १२ गतेसम्म बन्द रहने जनाइएको हो।
धनगढी तथा आसपासका क्षेत्रमा तापक्रम करिब ४० डिग्री सेल्सियससम्म पुगेपछि पठनपाठन प्रभावित भएको बताइएको छ।
