काठमाडौं। साताको पहिलो सेयर कारोबार दिन सोमबार नेप्से परिसूचक सामान्य अंकले घट्दै बन्द भएको छ।
नेपाल स्टक एक्सचेन्ज (नेप्से) परिसूचक १.४६ अंकले घटेर २७००.६५ विन्दुमा पुगेको छ। यस दिन कुल ३५३ कम्पनीका ८१ लाख ३८ हजारभन्दा बढी कित्ता सेयर ४ अर्ब ४४ करोड ६५ लाख रुपैयाँभन्दा बढी मूल्यमा कारोबार भएको छ।
कारोबार भएका कम्पनीमध्ये ११६ वटाको सेयर मूल्य बढ्दा १४३ वटाको घटेको छ भने १४ वटा कम्पनीको मूल्य स्थिर रहेको छ। समग्र बजार घटे पनि टक्सार पिखुवा खोला हाइड्रोपावर र याम्बलिङ हाइड्रोपावरको सेयर १५ प्रतिशतले बढ्दै सकारात्मक सर्किट लेभलमा पुगेको छ।
कारोबार रकमका आधारमा सोपान फार्मास्युटिकल्स शीर्ष स्थानमा रह्यो, जसको करिब ३७ करोड रुपैयाँ बराबरको कारोबार भएको छ। त्यसपछि एनआरएन इन्फ्रास्ट्रक्चर एन्ड डेभलपमेन्टले ३० करोड, स्वावलम्बन लघुवित्त वित्तीय संस्थाले २० करोड र आँखु खोला जलविद्युत कम्पनीले १७ करोड रुपैयाँ बराबरको कारोबार गरेका छन्।
क्षेत्रगत रूपमा फाइनान्स, माइक्रोफाइनान्स र ट्रेडिङ समूहको उपसूचकमा वृद्धि देखिए पनि बाँकी अधिकांश समूहका उपसूचक नकारात्मक रहेको नेप्सेले जनाएको छ।
