काठमाडौं । नेकपा (एमाले) ले आज एकै दिन संसदीय दल र केन्द्रीय सचिवालयको बैठक बोलाएको छ।
पार्टीका अनुसार दिउँसो २ बजे पार्टी कार्यालय च्यासलमा संसदीय दलको बैठक बस्नेछ भने साँझ ६ बजे अध्यक्ष केपी शर्मा ओलीको निवास गुण्डुमा सचिवालय बैठक आयोजना गरिनेछ।
बैठकमा समसामयिक राजनीतिक परिस्थितिसहित पार्टी उपाध्यक्ष विष्णु पौडेलको पक्राउपछि विकसित घटनाक्रमबारे समीक्षा गरिने बताइएको छ। साथै पार्टीको आगामी रणनीति र आवश्यक राजनीतिक कदमबारे पनि छलफल हुने जनाइएको छ।
