काठमाडौँ । चालु आर्थिक वर्षमा जुम्लामा खानेपानी, सिँचाइ, नदी नियन्त्रण र ऊर्जा सम्बन्धी करिब ९४ वटा योजना कार्यान्वयनको अन्तिम चरणमा पुगेका छन्।
खानेपानी सिँचाइ तथा ऊर्जा विकास कार्यालय जुम्लाका अनुसार कर्णाली प्रदेशको जलस्रोत तथा ऊर्जा विकास मन्त्रालयबाट स्वीकृत भएका यी योजनामध्ये अधिकांश उपभोक्ता समिति र ठेक्का प्रणालीमार्फत कार्यान्वयन भइरहेका छन्।
कार्यालय प्रमुख अकल बहादुर महतका अनुसार ८५ वटा योजना उपभोक्ता समितिसँग सम्झौता भइसकेका छन्, जसमध्ये करिब ५० वटा योजना सम्पन्न भइसकेका छन्। त्यस्तै ठेक्का प्रक्रियामार्फत अघि बढाइएका ९ योजनामध्ये ७ वटा सम्पन्न भइसकेका छन् भने बाँकी कार्यान्वयनको अन्तिम चरणमा रहेका छन्।
मन्त्रालयबाट प्राप्त योजनामध्ये आठै स्थानीय तहका लागि क्रमागत सिँचाइसम्बन्धी ७३ वटा योजना समावेश छन्। साथै १७ वटा तटबन्धन र २५ वटा खानेपानीसम्बन्धी योजना यस आर्थिक वर्षभित्र पूरा गर्ने लक्ष्य राखिएको कार्यालयले जनाएको छ।
कार्यालयका अनुसार यी योजनाहरूको कार्यान्वयनसँगै जिल्लामा सिँचाइ सुविधा विस्तार भई खेतीयोग्य जमिनको उपयोग र उत्पादन क्षमता वृद्धि भएको छ।
चालु आर्थिक वर्षको जेठ महिनासम्म पुँजीगत खर्च करिब ५० प्रतिशत पुगेको र बाँकी योजनाहरू समयमै सम्पन्न गर्ने लक्ष्यसहित काम अघि बढाइएको कार्यालयले जनाएको छ।
नगर क्षेत्रमा एक हजारभन्दा बढी अटोरिक्सा दर्ता तथा नवीकरणको प्रतीक्षामा रहेको भन्दै उचित व्यवस्थापन भए राजस्व अझै बढ्न सक्ने स्थानीयको भनाइ छ।
नगरपालिकाका निमित्त प्रमुख प्रशासकीय अधिकृत लक्ष्मी ओडले राजस्व लक्ष्य पूरा गर्नु मात्र पर्याप्त नभई कर प्रणालीलाई व्यवहारिक र स्थानीय आवश्यकतासँग मेल खाने बनाउनु आवश्यक रहेको बताए। उनका अनुसार कर निर्धारण गर्दा स्थानीय भावना र वातावरणीय सन्तुलनलाई ध्यानमा राख्नुपर्ने हुन्छ।
