काठमाडौं । नेपाली कांग्रेसका सभापति गगन थापाले पार्टीभित्रका इतर समूहका नेताहरूप्रति लक्षित गर्दै कडा टिप्पणी गरेका छन्। आज झापामा आयोजित कार्यक्रममा बोल्दै उनले पार्टी सदस्यता अद्यावधिक नगर्ने व्यक्तिहरूलाई औपचारिक रूपमा पार्टी सदस्यको रूपमा नचिनिने स्पष्ट पारे।

उनले पूर्व सभापति शेरबहादुर देउवा र डा. शेखर कोइराला पक्षका केही नेताहरूले सदस्यता अद्यावधिक नगरेको उल्लेख गरे।

थापाले सबै नेताप्रति सम्मान व्यक्त गर्दै भने, “म सबै नेताहरूलाई सम्मान पनि गर्छु। सबैले अधिवेशनमा सहभागिता जनाउनुपर्छ भन्ने मेरो धारणा हो। यदि तपाईंहरूमध्ये कसैले सदस्यता अद्यावधिक गर्नुभएको छैन भने क्षमा गर्नुहोला, अद्यावधिक नभएका सदस्यलाई नेपाली कांग्रेसले सम्मान र माया गर्छ तर पार्टीको औपचारिक सदस्यको रूपमा चिन्दैन। अहिलेको प्रणालीले पनि त्यही व्यवस्था गरेको छ।”

उनले पार्टीमा नयाँ पुस्ताको आगमनप्रति खुसी व्यक्त गर्दै युवा नेतृत्वप्रति सकारात्मक संकेत देखिएको बताए।

थापाले भने, “कांग्रेसलाई अगाडि बढाउन सक्षम नयाँ पुस्ताका एक से एक साथीहरू आएका छन्, उनीहरूलाई देखेर खुसी लाग्छ। अब यिनीहरूले पार्टी सम्हाल्नेछन् भन्ने विश्वास छ। तर कुर्सी समातेर मात्र बसिरहने, न हल्लिन सक्ने, न उठ्न सक्ने अवस्था बनाएर पार्टी चल्दैन।”

Read More

काठमाडौं ।  स्वास्थ्य तथा खाद्य स्वच्छता मन्त्रालय का अनुसार हालसम्म १४ वटा संघीय अस्पताल र ४ वटा प्रादेशिक अस्पतालमा जलन उपचारका लागि छुट्टै संरचना स्थापना भइसकेको छ। मन्त्रालयले प्रारम्भिक उपचार सेवालाई नजिकै उपलब्ध गराउने लक्ष्यका साथ यो कार्यक्रम अघि बढाएको जनाएको छ।

यस कार्यक्रम अन्तर्गत स्वास्थ्यकर्मीहरूको क्षमता विकासमा पनि जोड दिइएको छ। हालसम्म १०९ जनालाई आधारभूत तालिम र २१७ जनालाई विशेष जलन उपचारसम्बन्धी तालिम प्रदान गरिएको मन्त्रालयले जानकारी दिएको छ। यसले आकस्मिक अवस्थामा प्रभावकारी प्रारम्भिक उपचार सुनिश्चित गर्ने अपेक्षा गरिएको छ।

मन्त्रालयका अनुसार जलन उपचारमा प्रायः प्लास्टिक सर्जरी लगायत जटिल उपचारको आवश्यकता पर्ने भएकाले छुट्टै अस्पताल निर्माणभन्दा ठूला र सुविधा सम्पन्न अस्पतालभित्रै विशेष युनिट स्थापना गर्नु बढी प्रभावकारी हुने देखिएको छ।

हाल जलन उपचार सेवा विस्तार भएका प्रमुख अस्पतालहरूमा कान्ति बाल अस्पताल, त्रिभुवन विश्वविद्यालय शिक्षण अस्पताल, कोशी अस्पताल, नारायणी अस्पताल, भरतपुर अस्पताल, डडेलधुरा अस्पताल, भेरी अस्पताल, वीर अस्पताल, बिपी कोइराला स्वास्थ्य विज्ञान प्रतिष्ठान, पाटन स्वास्थ्य विज्ञान प्रतिष्ठान, पोखरा स्वास्थ्य विज्ञान प्रतिष्ठान र राप्ती स्वास्थ्य विज्ञान प्रतिष्ठान रहेका छन्।

सरकारले यी सेवा विस्तारबाट जलन पीडितहरूले अब आफ्नै नजिकका अस्पतालमै प्रारम्भिक उपचार पाउने र जटिल अवस्थाको व्यवस्थापन अझ प्रभावकारी हुने अपेक्षा गरेको छ।

Read More

काठमाडौं। भरतपुरमा जारी राष्ट्रिय स्वतन्त्र पार्टी (रास्वपा)को बन्दसत्र सुरु भएको छ। प्राविधिक कारण देखाउँदै हिजो स्थगित गरिएको बन्दसत्र आजदेखि औपचारिक रूपमा अघि बढाइएको हो।

बन्दसत्रमा पार्टी सभापति रवि लामिछानेसहित शीर्ष नेताहरूको सहभागिता रहेको छ। सत्रमा राजनीतिक, सांगठनिक तथा आर्थिक विषयका प्रतिवेदनहरू क्रमशः प्रस्तुत गरिने कार्यसूची तय गरिएको छ।

कार्यतालिकाअनुसार सभापति लामिछानेले राजनीतिक प्रस्ताव, महामन्त्री कवीन्द्र बुर्लाकोटीले सांगठनिक प्रस्ताव र उपसभापति स्वर्णिम वाग्लेले आर्थिक–राजनीतिक प्रस्ताव प्रस्तुत गर्नेछन्। साथै अनुशासन आयोगको प्रतिवेदन तथा पार्टीको वित्तीय विवरणसमेत पेश गरिनेछ।

बन्दसत्र सम्पन्न भएपछि नयाँ नेतृत्व चयनका लागि निर्वाचन प्रक्रिया अघि बढाइने पार्टीले जनाएको छ।

Read More

काठमाडौं । दक्षिण–पश्चिम चीनको गुईझोउ प्रान्तका विभिन्न क्षेत्रमा लगातार परेको भारी वर्षाका कारण हजारौँ मानिसलाई सुरक्षित स्थानमा सारिएको छ।

स्थानीय अधिकारीहरूका अनुसार वर्षाबाट प्रभावित क्षेत्रहरूमा हालसम्म करिब ९ हजार १०० भन्दा बढी बासिन्दालाई सुरक्षित स्थानमा स्थानान्तरण गरिएको छ। कियानान क्षेत्रअन्तर्गत डुयुन सहरले मंगलबार बिहान आपत्कालीन अवस्था घोषणा गर्दै विद्यालयहरू बन्द गरेको छ।

वर्षाका कारण केही स्थानमा विद्युत् आपूर्तिमा समेत अवरोध आएको छ। आपूर्ति पुनःस्थापना गर्न एक हजारभन्दा बढी प्राविधिक तथा मर्मत टोली परिचालन गरिएको जनाइएको छ।

मौसम विभागका अनुसार सोमबारदेखि मंगलबारसम्म २० भन्दा बढी काउन्टी–स्तरका क्षेत्रमा भारी वर्षा मापन गरिएको छ, जसअन्तर्गत चार स्थानमा २०० मिलिमिटरभन्दा बढी वर्षा रेकर्ड गरिएको छ।

अहिलेसम्म बाढीका कारण कुनै मानवीय क्षति भएको विवरण भने प्राप्त नभएको अधिकारीहरूले बताएका छन्।

Read More

काठमाडौं। इरानले संयुक्त राष्ट्रसङ्घीय आणविक निगरानी निकाय अन्तर्राष्ट्रिय आणविक ऊर्जा एजेन्सी (IAEA) का निरीक्षकहरूलाई अमेरिकी आक्रमणमा परेका आफ्ना आणविक स्थलहरूको भ्रमण गर्ने कुनै योजना वा सहमति नभएको स्पष्ट पारेको छ।

तेहरानमा आयोजित पत्रकार सम्मेलनमा इरानको विदेश मन्त्रालयका प्रवक्ता इस्माइल बाघाईले यस्तो भ्रमणबारे कुनै सम्झौता नभएको बताए। उनको भनाइ स्विट्जरल्यान्डमा भएको वार्तापछि आइएइएलाई इरानी आणविक साइटमा पहुँच दिने सहमति भएको भन्ने अमेरिकी उपराष्ट्रपति जे.डी. भान्सको दाबीभन्दा फरक देखिएको छ।

सन् २०२५ मा इजरायलसँगको १२ दिने युद्धपछि आइएइएले अनुगमन जारी राखे पनि अमेरिकाले लक्षित गरेको संवर्धन स्थलहरूमा पहुँच नदिइएको इरानको अडान कायमै छ।

प्रवक्ता बाघाईले अन्य प्रश्नहरूको जवाफमा इरानको व्यापार तथा आयात नीति गुणस्तर र मूल्यका आधारमा निर्धारण हुने बताए। उनले अमेरिकी नेतृत्वका टिप्पणीहरूबारे प्रत्यक्ष प्रतिक्रिया नदिई, हालको द्वन्द्वको प्रभावबारे व्यङ्ग्यात्मक टिप्पणी गर्दै यसको असर अमेरिकाभित्रै, विशेषगरी कृषक समुदायमा देखिएको दाबी गरे।

Read More

काठमाडौं । राष्ट्रिय स्वतन्त्र पार्टी (रास्वपा)को महाधिवेशन सुरु हुनुअघि चितवनको चर्को गर्मीले सहभागीहरूको स्वास्थ्यलाई लिएर चिन्ता थियो, तर कार्यक्रम अवधिभरको वर्षाले वातावरण सहज बनाएको छ।

उद्घाटन सत्रअघि सम्भावित गर्मीजन्य समस्या व्यवस्थापनका लागि तीन स्थानमा हेल्थ डेस्क राखिएको थियो भने चिकित्सकसहित स्वास्थ्यकर्मीहरूको टोली तयारी अवस्थामा थियो। दुई जना सहभागी गर्मीका कारण बेहोस भए पनि ठूलो समस्या नदेखिएको चिकित्सकहरूले बताएका छन्।

महाधिवेशन सुरु भएपछि लगातार परेको वर्षाले तापक्रम घटेपछि बाहिरी जिल्लाबाट आएका प्रतिनिधिहरूलाई सहज भएको आयोजकहरूले जनाएका छन्। यसअघि ३९ डिग्रीसम्म पुग्ने चितवनको तापक्रम यस पटक करिब ३४ डिग्रीमै सीमित भएको बताइएको छ।

वर्षाले केही असहजता भए पनि अधिकांश सहभागीले मौसम अनुकूल भएको प्रतिक्रिया दिएका छन्। यसैबीच, फुर्सदको समयमा सहभागीहरू देवघाट, सौराहा लगायतका पर्यटकीय स्थलमा समेत पुगेका देखिएको छ।

महाधिवेशनमा १० हजारभन्दा बढी प्रतिनिधि तथा कार्यकर्ता सहभागी रहेको अनुमान गरिएको छ।

Read More

काठमाडौं । मंगलबार नेपाली सेयर बजार लगातार दबाबमा रहँदै करिब चार महिनाकै न्यून विन्दुमा झरेको छ। नेपाल स्टक एक्सचेञ्ज (नेप्से) परिसूचक आज २६.१६ अंकले घटेर २,६७४ विन्दुमा बन्द भएको हो।

यो स्तर फागुन १७ यताकै सबैभन्दा कम हो। त्यस दिन नेप्से २,७७३ विन्दुमा थियो। पछिल्ला दिनहरूमा सीमित अंकले घटबढ हुँदै आएको बजारमा मंगलबार भने गिरावट तुलनात्मक रूपमा तीव्र देखिएको छ। कारोबार दिनभर नै बजार दबाबमा रह्यो।

कारोबार रकम पनि केही घट्दै ४ अर्ब ४४ करोडबाट ४ अर्ब ३६ करोड रुपैयाँमा सीमित भएको छ। कुल कारोबारमध्ये २२ कम्पनीको सेयर मूल्य बढ्दा २३९ कम्पनीमा गिरावट आयो भने ११ कम्पनी स्थिर रहे।

क्षेत्रगत रूपमा पनि बजार कमजोर देखियो। उत्पादन तथा प्रशोधन समूह सबैभन्दा धेरै १.९२ प्रतिशतले घट्यो। त्यसैगरी बैंकिङ ०.२९, विकास बैंक ०.४३, फाइनान्स १.२८, होटल तथा पर्यटन १.११, जलविद्युत् १.६३, लगानी १.०३, जीवन बीमा ०.८५, माइक्रोफाइनान्स ०.६९, निर्जीवन बीमा १.०१, अन्य ०.६७ र व्यापार समूह १.५७ प्रतिशतले घटेका छन्।

यसबीच, शुक्रबार मात्रै सूचीकृत भएका दुई जलविद्युत कम्पनी टक्सार पिखुवा खोला हाइड्रोपावर र याम्बलिङ हाइड्रोपावरको सेयर मूल्य भने १५ प्रतिशतले बढ्दै सकारात्मक सर्किट लागेको छ। मूल्य बढेपछि दुवै कम्पनी ३९६.७० रुपैयाँमा पुगेका छन्।

त्यस्तै, केही कम्पनीहरूमा उल्लेखनीय गिरावट देखिएको छ। बुंगल हाइड्रोपावर १५ प्रतिशतले घट्दा एपोलो हाइड्रोपावर ११.१२ प्रतिशत, सोपान फर्मास्युटिकल्स ७.०५ प्रतिशत र कालिन्चोक हाइड्रोपावर ५.६४ प्रतिशतले घटेका छन्।

आज सर्वाधिक कारोबार हुने कम्पनीहरूमा आँखु खोला जलविद्युत्, सोपान फर्मास्युटिकल्स, रिलायन्स स्पिनिङ मिल्स, एनआरएन इन्फ्रास्ट्रक्चर र बुंगल हाइड्रोपावर रहेका छन्।

Read More

काठमाडौं। निर्देशक परिच्छेद सेनको निर्देशनमा निर्माण भइरहेको चलचित्र ‘महाराजधिराज’मा नायिका पूजना प्रधान अनुबन्ध भएकी छन्। छायांकनको मध्य चरणमा आइपुगेको फिल्ममा निर्माण पक्षले उनलाई औपचारिक रूपमा भित्र्याएको हो।

निर्माण टिमले सोमबार छायांकनको ३३ औँ दिनका क्रममा प्रधानलाई कलाकार टिममा समावेश गरिएको जानकारी दिएको हो। प्रस्तुतकर्ता विराज विष्टका अनुसार चलचित्रका लागि उपयुक्त कलाकारको खोजीपछि पूजनालाई अनुबन्ध गरिएको हो।

हाल काठमाडौंका विभिन्न स्थानमा छायांकन भइरहेको यो चलचित्र यसअघि सुनसरीको श्रीलंका टापु र भक्तपुरमा पनि खिचिएको थियो। ७० दिनको छायांकन तालिका रहेको फिल्म अहिले दोस्रो चरणको शूटिङमा रहेको निर्माण पक्षले जनाएको छ।

निर्देशक सेनको लेखन तथा निर्देशनमा बनेको ‘महाराजधिराज’ सामाजिक–ऐतिहासिक (सोसल पिरियड) कथावस्तुमा आधारित रहेको बताइएको छ। नबराज थापाले छायांकन गरिरहेको फिल्ममा ठूलो संख्यामा कलाकारहरू सहभागी छन्।

चलचित्रमा आर्यन सिग्देल, रमेश उप्रेती, पुष्प खड्का, पूजा शर्मा, केकी अधिकारी, उषा रजक, जयकिशन बस्नेत, दिनेश डी.सी. लगायतका कलाकारसँगै करिब ८० जना कलाकारको सहभागिता रहनेछ।

छत्रेश्वर म्यानेजमेन्ट प्रालिको ब्यानरमा निर्माण भइरहेको फिल्मका निर्माता रवि खड्का र टोपेन्द्र विष्ट हुन्।

Read More

काठमाडौं  । उपत्यकाका नदी किनारबाट हटाइएका बस्तीका प्रभावित परिवारहरू अस्थायी आश्रयमा बसिरहेको अवस्थामा पुनः अर्को विस्थापनको दबाबमा परेका छन्। कीर्तिपुरस्थित होल्डिङ सेन्टरमा राखिएका ६८ परिवारलाई पाँच दिनभित्र स्थान खाली गर्न निर्देशन दिइएपछि उनीहरूको आवासीय अनिश्चितता झन् बढेको छ।

बागमती सभ्यता एकीकृत विकास समितिले जारी गरेको सूचनाअनुसार हाल त्यहाँ बसोबास गरिरहेका २०३ जना नागरिकलाई तत्कालै वैकल्पिक व्यवस्थातर्फ जान भनिएको छ। यसअघि नदी किनारका बस्ती हटाइएपछि अस्थायी रूपमा राखिएका उनीहरू अहिले पुनः अर्को चरणको स्थानान्तरणको सामना गरिरहेका छन्।

समितिले प्रत्येक परिवारलाई तत्कालीन व्यवस्थापनका लागि २५ हजार रुपैयाँ उपलब्ध गराउने तयारी गरेको छ। सो रकम लिन बैंक खाता विवरणसहित निवेदन दिनुपर्ने व्यवस्था गरिएको छ। साथै, वास्तविक सुकुम्बासी प्रमाणित हुनेहरूलाई भविष्यमा मासिक १५ हजार रुपैयाँ भाडा सहयोग उपलब्ध गराइने उल्लेख छ।

तर, पाँच दिनको समयसीमा र उपत्यकाको उच्च भाडादरलाई हेर्दा उक्त व्यवस्था व्यवहारिक नभएको भन्दै प्रश्न उठिरहेका छन्। धेरै परिवार अझै त्रिपाल र अस्थायी संरचनामा निर्भर रहेकाले तत्काल निजी आवासमा सर्न कठिन हुने देखिन्छ।

यसअघि बागमती तथा अन्य नदी किनारका क्षेत्रमा गरिएको बस्ती हटाउने अभियानपछि सयौँ परिवार विस्थापित भएका थिए। स्थायी पुनःस्थापनाको स्पष्ट खाका नहुँदा उनीहरूलाई होल्डिङ सेन्टरमा सारिएको थियो, तर अहिले त्यो व्यवस्था पनि अस्थायी मात्र रहेको संकेत देखिएको छ।

समितिको योजनाअनुसार राहत रकम लिएपछि नागरिकहरूले आफैं आवास व्यवस्था गर्नुपर्नेछ। दीर्घकालीन पुनःस्थापनाबारे स्पष्ट निर्णय नहुँदा प्रभावित परिवारहरू पुनः अस्थिरताको चक्रमा परिरहेका छन्।

नदी किनारको संरक्षण र शहरी व्यवस्थापनलाई महत्व दिइए पनि प्रभावित समुदायको सुरक्षित आवास सुनिश्चित नगरी गरिने यस्ता निर्णयले समस्या समाधानभन्दा थप जटिलता निम्त्याउने सरोकारवालाहरूको भनाइ छ।

Read More

काठमाडौं । राहदानी विभागको पासपोर्ट छपाइ मेसिन खरिद प्रक्रियामा १० अर्ब रुपैयाँभन्दा बढी भ्रष्टाचार भएको दाबी गर्दै अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।

अख्तियारका अनुसार ठेकेदार कम्पनीसँग मिलेमतो गरी बोलपत्रका सर्त विपरीत कम क्षमताका मेसिन खरिद गरिएको देखिएको छ। सम्झौताअनुसार दैनिक ६ हजार पासपोर्ट छाप्ने क्षमता भएको मेसिन र अनिवार्य रूपमा एउटा जगेडा (ब्याकअप) मेसिन खरिद गर्नुपर्ने व्यवस्था थियो।

तर, व्यवहारमा प्रतिघण्टा करिब ५०० पासपोर्ट मात्र छाप्न सक्ने दुई वटा मेसिन मात्र खरिद गरिएको आरोपपत्रमा उल्लेख छ। आवश्यक जगेडा मेसिन नहुँदा प्राविधिक समस्या आए देशभरको पासपोर्ट छपाइ नै ठप्प हुने जोखिम सिर्जना भएको अख्तियारको दाबी छ।

यसैबीच, विभागका तत्कालीन महानिर्देशक तीर्थराज अर्यालले एउटै मेसिन भए पनि काम सञ्चालन सम्भव हुने भन्दै ठेकेदार पक्षको पक्षमा सर्वोच्च अदालतमा लिखित जवाफ पेश गरेको पनि खुलेको छ। अख्तियारले भने उक्त निर्णय नियमविपरीत, बदनियतपूर्ण र राज्यलाई ठूलो आर्थिक क्षति पुर्‍याउने प्रकृतिको रहेको निष्कर्ष निकालेको छ।

अख्तियारका अनुसार आवश्यक प्राविधिक परीक्षण र अध्ययन नै नगरी हतारमा दोहोरो खरिद प्रक्रिया अघि बढाइएको थियो। यसले अघिल्ला पूर्वाधारसमेत अप्रभावकारी बनेको र राज्य स्रोतको दुरुपयोग भएको आरोप लगाइएको छ।

Read More