काठमाडौं ।कर्णाली करिडोरअन्तर्गत सान्नीत्रिवेणी गाउँपालिका–१ स्थित शान्तिघाट–आम्तडा सडक खण्डमा भीरबाट खसेको ढुङ्गा लागेर एक जनाको मृत्यु भएको छ।
जिल्ला प्रहरी कार्यालय कालीकोटका अनुसार भीरबाट खसेको ढुङ्गा लागेर रास्कोट नगरपालिका–८ निवासी १८ वर्षीय बाबुराम टमटाको घटनास्थलमै मृत्यु भएको हो। उनी उक्त सडक खण्डमा डोजर सञ्चालन गरिरहेका थिए।
प्रहरीले घटनाबारे थप अनुसन्धान भइरहेको जनाएको छ।
