काठमाडौं । सिंहदरबारमा शुक्रबार बसेको मन्त्रिपरिषद् बैठक न्यून मन्त्री उपस्थितिका बीच सम्पन्न भएको छ। रास्वपा (राष्ट्रिय स्वतन्त्र पार्टी) को महाधिवेशन चितवनमा जारी रहेका कारण धेरैजसो मन्त्रीहरू बैठकमा अनुपस्थित रहेको स्रोतले जनाएको छ।
बैठकमा सामान्य छलफल भए पनि एक मात्र निर्णय गरिएको र उक्त निर्णयलाई अर्को बैठकपछि सार्वजनिक गर्ने सहमति भएको बताइएको छ।
उपस्थिति अत्यन्त कम रहेको कारण यसपटकको मन्त्रिपरिषद् बैठकको औपचारिक तस्बिर समेत सार्वजनिक नगरिएको स्रोतको भनाइ छ।
महाधिवेशनका कारण राजनीतिक नेतृत्व तथा मन्त्रीहरूको ठूलो समूह चितवनतर्फ केन्द्रित हुँदा सिंहदरबारको नियमित प्रशासनिक गतिविधिमा समेत असर परेको देखिएको छ।
