काठमाडौं । फिफा विश्वकप फुटबल प्रतियोगिताअन्तर्गत आज भएको खेलमा स्विडेनलाई ३–० गोलअन्तरले पराजित गर्दै फ्रान्स अन्तिम १६ मा प्रवेश गरेको छ।
अमेरिकाको न्यूयोर्कस्थित न्यूजर्सी रङ्गशालामा भएको खेलमा फ्रान्सका लागि किलियन एम्बाप्पेले ४५औँ र ७४औँ मिनेटमा दुई गोल गरे। यस्तै, खेलको ५३औँ मिनेटमा ब्राडली बारकोलाले अर्को गोल थप्दै फ्रान्सको सहज जित सुनिश्चित गरे।
यससँगै फ्रान्सले अन्तिम १६ मा स्थान सुरक्षित गरेको छ। अब फ्रान्सले प्रि–क्वार्टरफाइनलमा पाराग्वेसँग प्रतिस्पर्धा गर्नेछ।
यसअघि अन्तिम–३२ अन्तर्गत भएको खेलमा नर्वेले आइभरी कोस्टलाई २–१ गोलअन्तरले पराजित गर्दै अन्तिम १६ मा स्थान बनाएको थियो। यस्तै, आज बिहान ६ः४५ बजे मेक्सिको र इक्वेडोरबीच प्रतिस्पर्धा हुनेछ।
