काठमाडौं। नेपाल प्रहरीका पूर्व प्रहरी नायव महानिरीक्षक (डीआईजी) अर्जुन चन्दको उपचारका क्रममा निधन भएको छ।
ललितपुर महानगरपालिका–१८ नख्खु श्रीजनामार्गस्थित आफ्नै निवासमा असार ५ गते राति लडेर घाइते भएका चन्दलाई तत्काल मेडिसिटी अस्पताल लगिएको थियो। प्रारम्भिक उपचारपछि सोही दिन डिस्चार्ज गरिएको भए पनि पछि स्वास्थ्य अवस्था बिग्रिएपछि असार १० गते पुनः अस्पताल भर्ना गरिएको थियो।
आईसीयूमा उपचाररत रहेका चन्दको बुधबार बिहान निधन भएको अस्पताल स्रोतले जनाएको छ।
चन्द उमेरहदका कारण गत वर्ष नेपाल प्रहरी सेवाबाट डीआईजी पदबाट अवकाश प्राप्त गरेका थिए।
