काठमाडौं । साताको अन्तिम सेयर कारोबार दिन शुक्रबार प्रि-ओपन सेसनमा नेपाल स्टक एक्सचेन्ज (नेप्से) परिसूचक दोहोरो अंकले वृद्धि भएको छ। यस अवधिमा नेप्से ११.४३ अंकले बढ्दै २,६७३.१४ विन्दुमा पुगेको छ।
कारोबार विवरणअनुसार प्रि-ओपन सेसनमा कुल ५२ कम्पनीका ४ लाख ३३ हजारभन्दा बढी कित्ता सेयर खरिद–बिक्री भएका छन्। यस अवधिको कुल कारोबार रकम ४३ करोड २७ लाख रुपैयाँभन्दा बढी रहेको छ।
सेयर कारोबारमा सहभागी कम्पनीमध्ये २५ वटा कम्पनीको मूल्य बढेको छ भने २० वटाको मूल्य घटेको छ। बाँकी ६ कम्पनीको मूल्य स्थिर रहेको नेप्सेले जनाएको छ।
