काठमाडौं। साताको कारोबारको अन्तिम दिन बिहीबार प्रि–ओपन सेसनमै नेप्से परिसूचक दोहोरो अंकले बढेको छ। कारोबार सुरु हुनुअघि नै नेप्से १४.९६ अंकले उकालो लाग्दै २६०५.२६ विन्दुमा पुगेको हो।
प्रि–ओपन सेसनमा ७४ वटा स्क्रिप्सको २४ हजार ७२४ कित्ता सेयर कारोबार भएको छ। यस अवधिमा कुल १ करोड १८ लाख ६८ हजार ५१९ रुपैयाँ बराबरको सेयर किनबेच भएको छ।
कारोबारमा आएका ७४ स्टकमध्ये ४० वटाको मूल्य बढेको छ भने २३ वटाको मूल्य घटेको छ। यस्तै, २ वटा स्टकको मूल्यमा भने कुनै परिवर्तन देखिएको छैन।
