काठमाडौं : कर्णाली प्रदेश सरकारले साउने संक्रान्ति तथा देउडा पर्वको अवसरमा साउन १ गते सार्वजनिक बिदा दिने निर्णय गरेको छ।
मुख्यमन्त्री तथा मन्त्रिपरिषद्को कार्यालयले जारी गरेको सूचनाअनुसार उक्त दिन कर्णाली प्रदेशभरका सबै सरकारी कार्यालय तथा सार्वजनिक संघसंस्था बन्द रहनेछन्।
कार्यालयका अनुसार प्रदेश सरकार (मन्त्रिपरिषद्) को २०८२ चैत २४ गते बसेको बैठकले साउन १ गते बिदा दिने निर्णय गरेको थियो। सोही निर्णय कार्यान्वयनका लागि सम्बन्धित सबै निकाय र सर्वसाधारणलाई जानकारी गराइएको हो।
