काठमाडौं । कपिलवस्तुको महाराजगञ्ज नगरपालिका–३ गैडवा चोकमा ट्रकको ठक्करबाट तीन जनाको मृत्यु भएको छ।
प्रहरीका अनुसार ना ५ ख २३६४ नम्बरको ट्रकले सडक किनारमा साइकल मर्मत गरिरहेका व्यक्तिहरूलाई ठक्कर दिँदा दुई सर्वसाधारण र एक बालकको मृत्यु भएको हो।
दुर्घटनामा महाराजगञ्ज नगरपालिका–३ गनवरियाका ७० वर्षीय घोल्लर कुर्मी, ४५ वर्षीय विजय कुमार गुप्ता र सोही स्थानका १२ वर्षीय बालक आनन्द कश्यपको ज्यान गएको प्रहरीले जनाएको छ।
दुर्घटनामा मृत्यु भएका तीनै जनाको शव जिल्ला अस्पताल तौलिहवामा राखिएको छ। घटनापछि ट्रक चालकलाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको जनाएको छ।
