काठमाडौं। मुग्लिन–नारायणगढ सडकखण्डअन्तर्गत सिमलताल नजिक पहिरो खसेपछि सडक दुवैतर्फबाट अवरुद्ध भएको छ।
सडक डिभिजन भरतपुरका अनुसार सिमलताल क्षेत्रमा पहिरो खस्दा दुवैतर्फको सवारी आवागमन पूर्ण रूपमा रोकिएको हो।
पहिरो हटाउन सडक डिभिजनका उपकरण तथा प्राविधिक टोली परिचालन गरिसकिएको छ। सडक पूर्ण रूपमा सञ्चालनमा आउन करिब एक घण्टा लाग्ने अनुमान गरिएको छ।
सडक डिभिजनले उक्त सडकखण्ड भएर यात्रा गर्ने चालक तथा यात्रुलाई आवश्यक सतर्कता अपनाउन, सम्भव भएसम्म वैकल्पिक मार्ग प्रयोग गर्न तथा यात्रा अघि सडकको पछिल्लो अवस्थाबारे जानकारी लिन आग्रह गरेको छ।
