काठमाडौं । बैंकिङ प्रणालीमा रहेको अतिरिक्त तरलता व्यवस्थापन गर्न नेपाल राष्ट्र बैंकले ३५ दिनका लागि सम्बन्धित रकम बराबरको निक्षेप संकलन गर्न लागेको छ। यसअघि साउन २७ गते पनि राष्ट्र बैंकले बैंकिङ प्रणालीबाट ३० अर्ब रुपैयाँको एकमहिने निक्षेप संकलन गरेको थियो।
बैंक तथा वित्तीय संस्थामा लगानीयोग्य पूँजी पर्याप्त रहे पनि कर्जाको माग अपेक्षाकृत बढ्न नसक्दा लामो समयदेखि अतिरिक्त रकम थुप्रिँदै आएको छ। यस्तो अवस्थामा प्रणालीमा रहेको अधिक तरलता नियन्त्रण तथा व्यवस्थापन गर्न राष्ट्र बैंकले विभिन्न मौद्रिक उपकरणमार्फत समय–समयमा तरलता प्रशोचन गर्दै आएको छ।
राष्ट्र बैंकले जारी गरेको उक्त निक्षेप संकलन उपकरणको बोलकबोल तथा निष्कासन आज दिउँसो ३ बजे हुनेछ। निक्षेपको ब्याजदर भने बोलकबोल प्रक्रियामार्फत निर्धारण गरिनेछ।
