काठमाडौं। सर्पले डस्दा ताप्लेजुङको फुङलिङ नगरपालिका–९ हाङदेवाकी एक किशोरीको मृत्यु भएको छ।
मृत्यु हुनेमा जनता माध्यमिक विद्यालय हाङदेवामा कक्षा १२ मा अध्ययनरत युना मादेन रहेकी छन्। उनी पोष्ट मादेन र सीता इजम मादेनकी छोरी हुन्।
वडाका लक्षुमन गुरुङका अनुसार युनालाई सोमबार घरमै सर्पले डसेको थियो। उनको मंगलबार बिहान मृत्यु भएको हो।
गुरुङका अनुसार युनाको घरमा बिरालोले सर्प बोकेर ल्याएको थियो। बिरालोले सर्प बोकेको देखेपछि युनाले आत्तिएर सर्पलाई छुटाउने प्रयास गर्दा उनलाई सर्पले डसेको हुनसक्ने अनुमान गरिएको छ।
