काठमाडौँ। संसद् बैठक चलिरहेका बेला नेपाली कांग्रेसका सांसद भरत खड्का अचानक ढलेका छन्।
बिहीबार जारी प्रतिनिधिसभा बैठकमा राष्ट्रिय स्वतन्त्र पार्टी (रास्वपा) का सांसद सोम शर्माले बोलिरहेका बेला खड्का आफू बसिरहेको कुर्सीमै ढलेका हुन्। खड्का ढलेपछि सभामुख डोलप्रसाद अर्यालले शर्मालाई केही समय बोल्न रोकेका थिए।
संसद् बैठकको प्रत्यक्ष प्रसारणमा कांग्रेसका सांसदहरू हतारिँदै खड्कातर्फ आएको देखिएको थियो।
संसद् सचिवालयका प्रवक्ता एकराम गिरीका अनुसार ब्लड प्रेसरका कारण खड्का बसिरहेकै अवस्थामा ढलेका हुन्।
लेखा समितिका सभापतिसमेत रहेका खड्कालाई उपचारका लागि वीर अस्पताल लगिएको छ।
