काठमाडौं । लगातारको वर्षासँगै भिजिबिलिटी घटेपछि देशका विभिन्न गन्तव्यतर्फका हवाई उडान प्रभावित भएका छन्। प्रतिकूल मौसमका कारण विमानस्थलमा यात्रुको चापसमेत बढेको छ।
कम दृश्यता र धुम्मिएको मौसमका कारण पोखरा, भरतपुर र तुम्लिङटार विमानस्थलमा उडान सञ्चालन हुन सकेको छैन। उडान प्रभावित भएपछि यात्रुहरू विमानस्थलमै रोकिएका छन्।
मौसममा सुधार आएपछि मात्रै नियमित उडान सञ्चालनमा आउने सम्बन्धित विमानस्थल तथा वायुसेवा कम्पनीहरूले जनाएका छन्।
