काठमाडौं । पाकिस्तानका प्रधानमन्त्री शहबाज सरिफ र सेना प्रमुख असिम मुनिर इस्लामाबादबाट स्विट्जरल्याण्डका लागि प्रस्थान गरेका छन्।
प्रधानमन्त्री कार्यालयका अनुसार अमेरिका र इरानबीच चलिरहेको कूटनीतिक वार्तासम्बन्धी छलफलमा सहभागी हुन उनीहरू स्विट्जरल्याण्ड गएका हुन्। उक्त वार्ता त्यहीँ जारी रहने जनाइएको छ।
युद्धविराम घोषणा भएपछि पाकिस्तानले अमेरिका–इरान वार्तामा मध्यस्थकर्ताको भूमिका निर्वाह गर्दै आएको छ। पाकिस्तानको परराष्ट्र मन्त्रालयले जारी गरेको विज्ञप्तिमा दुवै पक्षबीच भएका समझदारीको कार्यान्वयन र समर्थनका लागि पाकिस्तानले निरन्तर सहयोग जारी राख्ने उल्लेख गरिएको छ।
वार्तामा अमेरिकी उपराष्ट्रपति जेडी भान्स, जारेड कुश्नर तथा मध्यपूर्वका लागि अमेरिकी विशेष दूत स्टिभ विटकफ सहभागी हुने बताइएको छ।
