काठमाडौं। यस वर्षको मनसुन प्रणाली कोशी प्रदेशको सम्पूर्ण भू-भागमा फैलिनुका साथै मधेश, बागमती र गण्डकी प्रदेशका केही क्षेत्र तथा लुम्बिनी प्रदेशको पूर्वी भागका थोरै स्थानसम्म प्रवेश गरेको जल तथा मौसम विज्ञान विभागले जनाएको छ।
विभागले जारी गरेको मनसुन आगमन बुलेटिन–२ अनुसार मनसुन विस्तार भए पनि यसको अवस्था हाल कमजोर रहेको छ। देशका अन्य भू-भागमा पूर्ण रूपमा फैलिन अझै केही दिन लाग्ने अनुमान गरिएको छ।
यस वर्ष मनसुन सरदरभन्दा ६ दिन ढिलो गरी जुन १९ मा कोशी प्रदेशबाट नेपाल प्रवेश गरेको थियो।
