काठमाडौं। राष्ट्रिय स्वतन्त्र पार्टी (रास्वपा)को नयाँ नेतृत्व चयनका लागि भइरहेको निर्वाचनअन्तर्गत पहिलो चरणको मतदान सम्पन्न भएको छ।
विद्युतीय मतदान सेवा प्रदायक रामलक्ष्मण इनोभेसनका प्रतिनिधि रामप्रसाद रिमालका अनुसार कुल ४,३११ प्रतिनिधिमध्ये २,९५९ जनाले मतदान गरेका छन्।
रास्वपा केन्द्रीय सदस्य चयनका लागि भएको मतदान केहीबेर अघि सम्पन्न भएको हो। निर्वाचन आयोग स्रोतका अनुसार हाल मुचुल्का तयार गर्ने काम भइरहेको छ र त्यसपछि मतगणना सुरु गरिनेछ।
९९ केन्द्रीय सदस्य पदका लागि ३८४ उम्मेदवार प्रतिस्पर्धामा थिए। यस क्रममा १,३५२ प्रतिनिधिले मतदानमा सहभागिता जनाएनन्।
