काठमाडौं । राष्ट्रिय स्वतन्त्र पार्टी (रास्वपा)को प्रथम महाधिवेशनअन्तर्गत पदाधिकारी चयनका लागि मतदानको समय तय गरिएको छ।
रास्वपा नेता मनिष झाका अनुसार पदाधिकारीका लागि मतदान आज अपराह्न ४ बजेबाट सुरु हुनेछ। यसअघि पार्टी सभापतिमा रवि लामिछाने निर्विरोध निर्वाचित भइसकेका छन्।
यसैबीच, ९९ केन्द्रीय सदस्य चयनका लागि भएको मतदान प्रक्रिया सम्पन्न भइसकेको छ। प्राप्त जानकारीअनुसार मतगणना केहीबेरमा सुरु हुने बताइएको छ।
