काठमाडौं। बितेको २४ घण्टामा सवारी नियम उल्लङ्घन गरेको आरोपमा दुई हजार १५७ सवारीचालक कारबाहीमा परेका छन्। सो कारबाहीबाट राज्यकोषमा रु २१ लाख ४० हजार ५४६ राजस्व संकलन भएको छ।
काठमाडौं उपत्यका ट्राफिक प्रहरी कार्यालयका अनुसार मादक पदार्थ सेवन गरी सवारी चलाउने ८२ जना, नियमविपरीत राइड सेयरिङ गर्ने १०१ जना, ट्राफिक सङ्केत बत्ती उल्लङ्घन गर्ने १०५ जना र तीव्र गतिमा सवारी चलाउने ११७ जनालाई कारबाही गरिएको हो।
त्यसैगरी लेन अनुशासन पालना नगर्ने ७७ जना, निषेधित क्षेत्रमा हर्न बजाउने ६१ जना, कालो सिसा प्रयोग गरेका २२ सवारी, एकतर्फी सडकमा सवारी चलाउने ५४ जना तथा अन्य सवारी नियम उल्लङ्घन गर्ने एक हजार ५३८ जनालाई पनि कारबाही गरिएको कार्यालयले जनाएको छ।
