काठमाडौं । श्रम संस्कृति पार्टीका अध्यक्ष तथा प्रतिनिधिसभा सदस्य हर्क साम्पाङले आफूहरूले संकलन गरेको सहयोग रकमको एक रुपैयाँ पनि दुरुपयोग नभएको दाबी गरेका छन् ।
दार्चुलामा झोलुङ्गे पुल उद्घाटन गरेर काठमाडौं फर्किएका साम्पाङले आफ्नो पार्टीलाई ‘क्यूआर पार्टी’ भनेर आलोचना गर्नेहरूलाई जवाफ दिएका हुन् ।
उनले सहयोग रकमको सम्पूर्ण हिसाब–किताब पारदर्शी रहेको दाबी गर्दै आरोप लगाउनेहरूले प्रमाणसहित बोल्नुपर्ने बताए ।
“त्यो भन्ने मान्छेले पनि सहयोग गरेको देखाओस् न। हावामा एक रुपैयाँ सहयोग गरेको छैन, त्यसै भनेर हुन्छ ? अब भने सहयोग गरेको स्क्रिनसट राखेर देखाओस् न,” साम्पाङले भने ।
