काठमाडौं । नेपाली कम्युनिस्ट पार्टी (नेकपा) कर्णाली प्रदेश संसदीय दलले मुख्यमन्त्री यामलाल कँडेल नेतृत्वको सरकारविरुद्ध दर्ता भएको अविश्वास प्रस्तावको पक्षमा मतदान गर्ने निर्णय गरेको छ।
बिहीबार बिहान बसेको नेकपा कर्णाली प्रदेश संसदीय दलको बैठकले अविश्वास प्रस्तावको पक्षमा उभिने निर्णय गरेको हो। दलका प्रमुख सचेतक कृष्णबहादुर जिसीका अनुसार नेपाली कांग्रेससँगको सहकार्यलाई निरन्तरता दिँदै प्रदेशसभा सचिवालयमा ३२ असारमा दर्ता भएको प्रस्तावको पक्षमा मतदान गर्ने सर्वसम्मत निर्णय भएको छ।
कर्णाली प्रदेशसभामा कुल ४० सदस्य रहेका छन्। प्रदेशसभामा नेपाली कांग्रेसका १४, नेकपाका १४, एमालेका १० तथा राष्ट्रिय प्रजातन्त्र पार्टी (राप्रपा) र एक स्वतन्त्र सांसद रहेका छन्।
यसअघि नेपाली कांग्रेसबाट सरकारमा सहभागी चार मन्त्रीले ३१ साउनमा राजीनामा दिएका थिए।
