काठमाडौं । प्रतिनिधि सभा बैठकमा विपक्षी दलहरूले अवरोध जनाएका छन्। बिहीबार बैठक सुरु हुनेबित्तिकै विपक्षी दलका सांसदहरू आ–आफ्नो सिटबाट उठेर विरोध जनाएका हुन्।
विरोध जारी रहेपछि सभामुख डोलप्रसाद अर्यालले प्रमुख विपक्षी दल नेपाली कांग्रेसकी सांसद बास्ना थापालाई आफ्नो भनाइ राख्न समय दिएका थिए।
सांसद थापाले प्रधानमन्त्री बालेन्द्र शाहले संसदमा दिएको सीमासम्बन्धी विवादित अभिव्यक्तिबारे जवाफ कहिले आउने भन्दै प्रश्न गरिन्। उनले उक्त विषयमा सरकारको धारणा स्पष्ट हुनुपर्ने माग राखिन्।
