काठमाडौं । रोल्पा जिल्लाको इरीवाङ आसपास केन्द्रबिन्दु भएर आज बिहान ४.४ म्याग्निच्युडको भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार सोमबार बिहान ३ बजेर ७ मिनेट जाँदा भूकम्प गएको हो।
भूकम्पको धक्का रोल्पासहित आसपासका छिमेकी जिल्लाहरूमा पनि महसुस गरिएको थियो। हालसम्म भूकम्पबाट मानवीय वा भौतिक क्षति भएको कुनै आधिकारिक विवरण प्राप्त भएको छैन।
सम्बन्धित निकायले भूकम्पपछिको अवस्थाबारे निगरानी गरिरहेको जनाएको छ।
