काठमाडौं । राष्ट्रिय स्वतन्त्र पार्टी (रास्वपा)ले आगामी भदौ ५ गते शुक्रबार केन्द्रीय समिति बैठक बोलाएको छ। पार्टी सभापतिको निर्देशनअनुसार बैठक बिहान ११ बजे बस्ने भएको हो।
रास्वपाका महामन्त्री विपिनकुमार आचार्यका अनुसार बैठक पार्टीको वनस्थलीस्थित केन्द्रीय कार्यालय ‘घन्टी घर’मा हुनेछ।
बैठकका लागि छलफलका विषय र कार्यसूची तयार गर्ने काम भइरहेको पार्टीले जनाएको छ। आवश्यक गृहकार्य पूरा भएपछि कार्यसूची सार्वजनिक गरिने बताइएको छ।
पार्टीभित्र संगठनात्मक तथा समसामयिक विषयमा छलफल भइरहेका बेला बोलाइएको बैठकलाई रास्वपाको आगामी राजनीतिक तथा सांगठनिक रणनीति तय गर्ने दृष्टिले महत्त्वपूर्ण मानिएको छ।
