काठमाडौं । राष्ट्रिय स्वतन्त्र पार्टी (रास्वपा)की सांसद आशिका तामाङले परराष्ट्रमन्त्री शिशिर खनालको जवाफप्रति असन्तुष्टि जनाउँदै मंगलबार प्रतिनिधिसभा बैठक बहिष्कार गरेकी छन्।
कम्बोडियामा निधन भएका धादिङका सन्तोष राईको शव नेपाल ल्याउने विषयमा मन्त्री खनालले दिएको जवाफ चित्तबुझ्दो नभएको भन्दै तामाङले थप प्रश्न गर्न समय मागेकी थिइन्। तर सभामुखले उनलाई बोल्ने अनुमति नदिएपछि उनी बैठकबाट बाहिरिएकी हुन्।
मन्त्रीले जवाफ दिइरहेका बेला तामाङ उठेर आफ्नो प्रश्न राख्न पाउनुपर्ने अडानमा थिइन्। सभामुखले समय नदिएपछि उनलाई बैठकको मर्यादा कायम राख्न निर्देशन दिइएको थियो।
सभामुखको निर्देशनपछि पनि असन्तुष्ट तामाङ झोला लिएर बैठक कक्षबाट बाहिरिएकी हुन्।
