काठमाडौं । मंगलबार सेयर बजारमा दोहोरो अंकको गिरावट आएको छ। नेपाल स्टक एक्सचेन्ज (नेप्से) परिसूचक १९.३४ अंकले घटेर २,६२२.४८ विन्दुमा बन्द भएको हो।
बजार घटेसँगै कारोबार रकम पनि अघिल्लो दिनको तुलनामा कम भएको छ। मंगलबार ३४७ कम्पनीका १ करोड ५१ लाख ९६ हजार ९८२ कित्ता सेयर किनबेच हुँदा कुल कारोबार ५ अर्ब ७ करोड ३५ लाख रुपैयाँभन्दा बढीमा सीमित भयो। सोमबार ५ अर्ब ५२ करोड रुपैयाँ बराबरको कारोबार भएको थियो।
कारोबार भएका कम्पनीमध्ये ५६ वटाको सेयर मूल्य बढ्दा २१८ कम्पनीको घटेको छ भने ५ कम्पनीको मूल्य स्थिर रह्यो।
सर्वोत्तम पेन्ट्स इन्डस्ट्रिजको सेयर मूल्य १४.९९ प्रतिशत तथा माउन्ट एभरेस्ट डेभलपमेन्टको १४.९८ प्रतिशतले बढ्यो। सगरमाथा जलविद्युत कम्पनीको सेयर मूल्य भने १०.६३ प्रतिशतले घट्दै सबैभन्दा कमजोर प्रदर्शन गर्ने कम्पनी बन्यो।
कारोबार रकमका आधारमा एग्रिकल्चर बोन्ड (९ वर्ष) अगाडि रह्यो। सोलु हाइड्रोपावरको करिब ३९ करोड, खानीखोला हाइड्रोपावरको २५ करोड तथा रिलायन्स स्पिनिङ मिल्स र युनाइटेड मोदी हाइड्रोपावरको करिब १६–१६ करोड रुपैयाँ बराबरको कारोबार भयो।
ट्रेडिङ समूहको उपसूचकबाहेक मंगलबार कारोबारमा आएका अन्य सबै समूहका उपसूचक घटेका छन्।
