काठमाडौं । नेपाली बजारमा शुक्रबार सुन र चाँदी दुवैको मूल्य बढेको छ। नेपाल सुनचाँदी व्यवसायी महासंघका अनुसार सुनको मूल्य एकैदिन प्रतितोला ३ हजार ३०० रुपैयाँले वृद्धि भएको हो।
बिहीबार प्रतितोला ३ लाख १३ हजार ४०० रुपैयाँमा कारोबार भएको सुन शुक्रबार ३ लाख १६ हजार ७०० रुपैयाँ पुगेको छ।
चाँदीको मूल्य पनि बढेको छ। बिहीबार प्रतितोला ४ हजार ८५५ रुपैयाँ रहेको चाँदी शुक्रबार १३० रुपैयाँले बढेर ४ हजार ९८५ रुपैयाँ कायम भएको महासंघले जनाएको छ।
यससँगै शुक्रबार नेपाली बजारमा सुन र चाँदी दुवैको मूल्यले नयाँ उचाइ कायम गरेको छ।
