काठमाडौं । नेपाली कांग्रेसको केन्द्रीय कार्यसमिति बैठक आज बिहान १० बजे बस्दैछ। बैठकपछि १५औँ महाधिवेशनको बन्दसत्र सुरु हुने कार्यतालिका रहेको छ।बन्दसत्रमा पार्टी सभापति गगनकुमार थापाले राजनीतिक प्रतिवेदन प्रस्तुत गर्नेछन्। प्रतिवेदनमा पार्टीको आगामी राजनीतिक तथा संगठनात्मक दिशाबारे विषय समेटिएको छ।महामन्त्रीले बन्दसत्रमा विधान संशोधनसम्बन्धी प्रस्ताव पेस गर्नेछन्। त्यसपछि सभापतिको राजनीतिक प्रतिवेदन र विधान संशोधन प्रस्तावमाथि महाधिवेशन प्रतिनिधिहरूबीच छलफल हुने बताइएको छ।
असोज २२ गतेसम्म महाधिवेशन
‘परम्पराको सम्मान र परिवर्तनको संकल्प : समुन्नत नेपालका लागि सबल कांग्रेसको विकल्प’ भन्ने नारासहित कांग्रेसको १५औँ महाधिवेशन काठमाडौंमा जारी छ। महाधिवेशनको कार्यक्रम असोज २२ गतेसम्म सञ्चालन हुने बताइएको छ।
