काठमाडौं । सभामुख डोलप्रसाद अर्याल (डीपी) ले आज प्रतिनिधिसभामा प्रतिनिधित्व गर्ने सबै दलका प्रमुख सचेतक र सचेतकहरूसँग छलफल गर्ने भएका छन्।
सभामुखको सचिवालयका अनुसार बैठक आज दिउँसो १२ बजे सिंहदरबारमा बस्ने तय गरिएको छ।
प्रतिनिधिसभामा रहेका छवटा दल राष्ट्रिय स्वतन्त्र पार्टी, नेपाली कांग्रेस, नेकपा एमाले, नेपाल कम्युनिष्ट पार्टी, श्रम संस्कृति पार्टी तथा राष्ट्रिय प्रजातन्त्र पार्टी का प्रमुख सचेतक, मुख्य सचेतक र सचेतकहरूलाई छलफलका लागि बोलाइएको हो।
छलफलमा संसद्को कार्यसूची, विधेयक अघि बढाउने विषय तथा समसामयिक राजनीतिक विषयमा परामर्श हुने अपेक्षा गरिएको छ।
