काठमाडौं । सशस्त्र प्रहरी बलका प्रहरी नायब महानिरीक्षक (डीआईजी) अञ्जनी कुमार पोखरेललाई सशस्त्र प्रहरी अतिरिक्त महानिरीक्षक (एआईजी) पदमा बढुवा गर्न सिफारिस गरिएको छ।
मंगलबार बसेको बढुवा समितिको बैठकले रिक्त रहेको एआईजी पदमा पोखरेलको नाम सिफारिस गरेको हो। हाल उनी सशस्त्र प्रहरी बलको बागमती प्रदेश प्रमुखका रूपमा कार्यरत छन्।
बढुवा समितिले प्रकाशित सूचनाअनुसार उक्त सिफारिस उपर चित्त नबुझेमा सम्बन्धित पक्षले सात दिनभित्र उजुरी दिन सक्ने व्यवस्था गरिएको छ।
