काठमाडौँ । स्मार्टफोन निर्माता Xiaomi ले नेपाली बजारमा आफ्नो नयाँ फ्ल्यागसिप स्मार्टफोन Xiaomi 17T सार्वजनिक गरेको छ। उत्कृष्ट क्यामेरा क्षमता, शक्तिशाली ब्याट्री र आँखाको सुरक्षालाई ध्यानमा राखेर तयार गरिएको डिस्प्लेसहित कम्पनीले यो फोन नेपालमा भित्र्याएको हो।
नयाँ Xiaomi 17T को प्रमुख आकर्षण यसको Leica 5X टेलिफोटो क्यामेरा हो। ५० मेगापिक्सेलको मुख्य क्यामेरा, अप्टिकल इमेज स्टेबलाइजेसन (OIS), १० गुणासम्मको अप्टिकल जुम र १२० गुणासम्मको एआई जुम सुविधाले प्रयोगकर्तालाई उच्च गुणस्तरका तस्बिर खिच्ने अनुभव दिने कम्पनीको दाबी छ।
फोनमा 4K 60fps सिनेमाटिक भिडियो रेकर्डिङ सुविधा पनि उपलब्ध छ। ‘लाइभ मोमेन्ट’ नामक विशेष फिचरमार्फत प्रयोगकर्ताले तस्बिरसँगै क्षणको भावना र गतिविधिलाई समेत जीवन्त रूपमा कैद गर्न सक्ने कम्पनीले जनाएको छ।
फोटोग्राफी अनुभवलाई अझ प्रभावकारी बनाउन Xiaomi 17T मा ठूलो इमेज सेन्सर, Leica Summilux लेन्स तथा उन्नत प्रकाश व्यवस्थापन प्रणाली समावेश गरिएको छ। यसले कम उज्यालोमा पनि स्पष्ट र आकर्षक तस्बिर खिच्न सहयोग गर्ने बताइएको छ।
डिस्प्लेतर्फ, फोनमा पहिलोपटक Vision Care Technology प्रयोग गरिएको छ। ३,५०० निट्ससम्मको ब्राइटनेस भएको AMOLED डिस्प्लेले निलो प्रकाश, फ्लिकर र मोसन ब्लर नियन्त्रण गर्दै लामो समयसम्म प्रयोग गर्दा पनि आँखालाई सहज अनुभव प्रदान गर्ने कम्पनीको दाबी छ।
फोनमा ६,५००mAh क्षमताको ब्याट्री र ६७ वाट फास्ट चार्जिङ सुविधा उपलब्ध छ। साथै MediaTek Dimensity 8500 Ultra प्रोसेसरले गेमिङ, मल्टिटास्किङ र एआई आधारित कामलाई थप सहज र प्रभावकारी बनाउने बताइएको छ।
Xiaomi 17T नेपालमा बैजनी, निलो र कालो गरी तीन रंगमा उपलब्ध हुनेछ। १२GB RAM र ५१२GB स्टोरेज भएको भेरियन्टको मूल्य रु. ९८ हजार ९९९ तोकिएको छ। कम्पनीका अनुसार फोन खरिद गर्ने ग्राहकले Redmi Buds 6 Play निःशुल्क उपहार पनि प्राप्त गर्नेछन्।
