काठमाडौँ । तेलुगु सुपरस्टार राम चरण र उनकी पत्नी उपासना कामिनेनी ले आफ्नो १४औँ वैवाहिक वर्षगाँठको अवसरमा जुम्ल्याहा सन्तानको पहिलो झलक सार्वजनिक गरेका छन्।
उपासनाले सामाजिक सञ्जालमा पारिवारिक तस्बिर साझा गर्दै “Heart is full” लेखेकी छन्। उक्त तस्वीरमा बच्चाहरूको अनुहार भने देखाइएको छैन, तर उनीहरूका साना हातहरू मात्र देखिएका छन्।
राम चरण र उपासनाले २०२६ जनवरी ३१ मा एक छोरा र एक छोरीलाई स्वागत गरेका थिए, जसको नाम शिवराम र अन्वीरा देवी राखिएको छ।
तस्बिर सार्वजनिक भएपछि सामाजिक सञ्जालमा पोस्ट भाइरल भएको छ र प्रशंसकहरूले दम्पतीलाई वैवाहिक वर्षगाँठ तथा परिवारमा नयाँ सदस्यको आगमनका लागि बधाई दिएका छन्।
