काठमाडौं । जल तथा मौसम विज्ञान विभागअन्तर्गत मौसम पूर्वानुमान महाशाखाका अनुसार हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थानको आसपास रहेको हुँदा देशभर सामान्यतया बदलीको अवस्था छ। हाल बागमती, गण्डकी र लुम्बिनी प्रदेशका थोरै स्थानमा तथा कोशी, कर्णाली र सुदूरपश्चिम प्रदेशका एक–दुई स्थानमा मेघगर्जन तथा चट्याङसहित हल्कादेखि मध्यम वर्षा भइरहेको छ।
कोशी प्रदेश
आज दिउँसो प्रदेशभर सामान्यतया बदली रहनेछ। पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षाको सम्भावना छ भने एक–दुई स्थानमा भारी वर्षा हुन सक्छ। तराईका थोरै स्थानमा पनि मेघगर्जन तथा चट्याङसहित मध्यम वर्षाको सम्भावना रहेको छ। राति हिमाली भू–भागका केही स्थानमा तथा पहाडी भू–भागका धेरै स्थानमा वर्षाको सम्भावना छ। हिमाली, पहाडी तथा तराई भू–भागका एक–दुई स्थानमा भारी वर्षा हुन सक्नेछ।
मधेश प्रदेश
आज दिउँसो प्रदेशभर सामान्यतया बदली रहनेछ। तराई भू–भागका थोरै स्थानमा मेघगर्जन तथा चट्याङसहित मध्यमसम्म वर्षाको सम्भावना छ। रातिको समयमा तराईका धेरै स्थानमा मेघगर्जन तथा चट्याङसहित मध्यमसम्म वर्षा हुन सक्नेछ।
बागमती प्रदेश
आज दिउँसो प्रदेशभर सामान्यतया बदली रहनेछ। पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षा हुने सम्भावना छ भने एक–दुई स्थानमा भारी वर्षा हुन सक्छ। तराई भू–भागका केही स्थानमा पनि मध्यमसम्म वर्षाको सम्भावना छ। राति हिमाली भू–भागका केही स्थानमा तथा पहाडी भू–भागका धेरै स्थानमा मेघगर्जन तथा चट्याङसहित मध्यम वर्षा हुन सक्नेछ। हिमाली, पहाडी तथा तराई भू–भागका एक–दुई स्थानमा भारी वर्षाको सम्भावना छ।
गण्डकी प्रदेश
आज दिउँसो प्रदेशभर सामान्यतया बदली रहनेछ। हिमाली तथा पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षा तथा हिमपातको सम्भावना छ। पहाडी भू–भागका एक–दुई स्थानमा भारी वर्षा हुन सक्छ। तराईका केही स्थानमा पनि मध्यमसम्म वर्षाको सम्भावना रहेको छ। राति हिमाली भू–भागका केही स्थानमा तथा पहाडी भू–भागका धेरै स्थानमा मध्यमसम्म वर्षा तथा हिमपात हुन सक्नेछ। हिमाली, पहाडी तथा तराई भू–भागका एक–दुई स्थानमा भारी वर्षाको सम्भावना छ।
लुम्बिनी प्रदेश
आज दिउँसो प्रदेशभर सामान्यतया बदली रहनेछ। पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षा हुने सम्भावना छ भने एक–दुई स्थानमा भारी वर्षा हुन सक्छ। तराई भू–भागका केही स्थानमा पनि मध्यमसम्म वर्षा हुन सक्नेछ। राति हिमाली तथा पहाडी भू–भागमा वर्षाको सम्भावना रहनेछ भने तराईका धेरै स्थानमा मेघगर्जन तथा चट्याङसहित मध्यमसम्म वर्षा हुन सक्छ। प्रदेशका हिमाली, पहाडी तथा तराई भू–भागका एक–दुई स्थानमा भारी वर्षाको सम्भावना छ।
कर्णाली प्रदेश
आज दिउँसो प्रदेशभर सामान्यतया बदली रहनेछ। हिमाली तथा पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षा तथा हिमपातको सम्भावना छ। राति हिमाली भू–भागका थोरै स्थानमा मध्यमसम्म वर्षा तथा हिमपात हुन सक्नेछ। पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षाको सम्भावना रहेको छ।
सुदूरपश्चिम प्रदेश
आज दिउँसो प्रदेशभर सामान्यतया बदली रहनेछ। तराईका थोरै स्थानमा तथा पहाडी र हिमाली भू–भागका केही स्थानमा मेघगर्जन तथा चट्याङसहित मध्यमसम्म वर्षा तथा हिमपातको सम्भावना छ। राति हिमाली भू–भागका थोरै स्थानमा वर्षा तथा हिमपात हुन सक्नेछ भने पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षाको सम्भावना छ। तराईका धेरै स्थानमा पनि मध्यमसम्म वर्षा हुन सक्नेछ।
आज दिनभर देशभर सामान्यतया बादल लाग्नेछ। हिमाली तथा पहाडी भू–भागका केही स्थानमा मेघगर्जन तथा चट्याङसहित मध्यमसम्म वर्षा तथा हिमपातको सम्भावना रहेको छ। रातिको समयमा वर्षाको दायरा अझ विस्तार हुने देखिन्छ। विशेषगरी कोशी, बागमती, गण्डकी र लुम्बिनी प्रदेशका हिमाली, पहाडी तथा तराई भू–भागका एक–दुई स्थानमा भारी वर्षा हुन सक्ने भएकाले आवश्यक सतर्कता अपनाउन मौसम पूर्वानुमान महाशाखाले आग्रह गरेको छ।
