काठमाडौं । राष्ट्रिय स्वतन्त्र पार्टी (रास्वपा) को वर्तमान केन्द्रीय समितिको अन्तिम बैठक आज चितवनमा बस्दै छ। भरतपुरस्थित एक होटलमा दिउँसो आयोजना हुने बैठकमा पार्टीको प्रथम महाधिवेशनको तयारी, विधान संशोधन प्रस्ताव तथा समसामयिक संगठनात्मक विषयमा विस्तृत छलफल हुने जनाइएको छ।
पार्टीका अनुसार बैठकले महाधिवेशनका लागि गरिएका तयारीको समीक्षा गर्नुका साथै सचिवालयबाट स्वीकृत विभिन्न प्रस्तावमाथि निर्णय गर्नेछ। यो बैठक हालको केन्द्रीय समितिको कार्यकालअन्तर्गतको अन्तिम औपचारिक बैठक हुनेछ।
रास्वपाले आइतबारदेखि चितवनमा आफ्नो प्रथम महाधिवेशन आयोजना गर्दैछ। महाधिवेशनमा देशभरबाट प्रतिनिधि तथा पर्यवेक्षकहरूको सहभागिता रहने अपेक्षा गरिएको छ।
महाधिवेशनमार्फत नयाँ नेतृत्व चयन गरिनुका साथै आगामी राजनीतिक कार्यदिशा, संगठन विस्तार र पार्टी सुदृढीकरणसँग सम्बन्धित महत्वपूर्ण निर्णयहरू लिइने बताइएको छ। पार्टीले यस महाधिवेशनलाई संगठनात्मक विकास र संस्थागत मजबुतीका लागि महत्वपूर्ण अवसरका रूपमा लिएको छ।
महाशाखाका अनुसार मधेस प्रदेशका केही स्थान तथा कोशी प्रदेशको तराई क्षेत्रमा पनि मेघगर्जनसहित वर्षा हुन सक्छ। कोशी र गण्डकी प्रदेशका केही पहाडी भू-भाग तथा कोशीको तराईका सीमित क्षेत्रमा भारी वर्षा हुने सम्भावना रहेकाले आवश्यक सतर्कता अपनाउन आग्रह गरिएको छ।
