काठमाडौं । बितेको २४ घण्टामा उपत्यकामा सवारी नियम उल्लङ्घन गर्ने १ हजार ७८२ चालकलाई कारबाही गरिएको छ। यस अवधिमा कारबाहीबाट राज्यकोषमा रु ४ लाख ९४ हजार राजस्व संकलन भएको काठमाडौं उपत्यका ट्राफिक प्रहरी कार्यालयले जनाएको छ।
कारबाही परेकामध्ये मादक पदार्थ सेवन गरी सवारी चलाउने ८३ जना, नियमविपरीत राइड सेयरिङ गर्ने ७५ जना, सिग्नल बत्ती उल्लङ्घन गर्ने ८२ जना तथा तीव्र गतिमा सवारी चलाउने ११० जना रहेका छन्।
त्यस्तै, लेन अनुशासन पालना नगर्ने ६५, निषेधित क्षेत्रमा हर्न बजाउने ७१, सडक पेटीमा पार्किङ गर्ने ८७, एकतर्फी बाटोमा सवारी चलाउने ६८ तथा अन्य नियम उल्लङ्घन गर्ने १ हजार १४१ जनामाथि पनि कारबाही गरिएको प्रहरीले जनाएको छ।
